أحمد ياسر

أحمد ياسر

 

الســـــــــــــلام عـلــيــــــــكم

أنا اسمي أحمد ياسر طالب بكلية الهندسة جامعة حلوان

احب احكي القصة من البداية

أنا حضرت مع معاً السنة اللي فاتت كل حاجة مع البشمهندس اسامة بصراحة

الكورس كله مفيد وطبعاا كان من أهمه الانتر فيو والسي في

وحصل السنادي موقف جميل

وهو ان واحد صاحب واحد صاحبي قرأ في جريدة الأهرام اعلان لشركة

اسمها ياس انترناشونال

بتشتغل في التوكيلات الإلكترونية للشركات الاجنبية

والولد دة كان  بيدرس هوا كمان في كلية هندسة وقام اتصل بصاحبي وقاله

على الإعلان وكان مقر الشركة في روكسي وكان صاحبي دة ساكن معايا في نفس العمارة

اتفقنا هانزل معاه في نفس اليوم هوا وصاحبه يروحوا يعملو الإنترفيو وأنا هاروح مشوار خاص بية

وبعد مانزلت معاهم اقنعوني إني أجرب حظي ممكن أقبل في الشركة

بصراحة ماكنتش عاوز أروح بس حبيت اطبق الكلام اللي بشمهندس أسامة قالي عليه في

محاضرة الإنترفيو وطلعت معاهم الشركة وبدأنا نملي الأبلكيشن وافتكرت

ساعتها محاضرة السي في وكتبت الأبلكيشن

وبعد كدة دخل كل واحد فينا لوحده يعمل

الإنترفيو وطبعاً افتكرت كلام بشمهندس أسامة عن الانترفيو

وحصلت مفاجأة عجيبة جدااااااااااا

وهي إن اصحابي الإتنين اترفضوا وأنا بس اللي اتقبلت

والأغرب

أن الشركة دي اتقدم ليها الوفات ماتقبلش منهم غير 258 واحد بس

والأغرب

ان اللي كان بيعمل معايا الإنترفيو مش مجرد موظف اتش ار لالالالالالالالا

دة كان نائب مدير الفرع

وكانت وحدة وقعدت تسألني في حاجات كتير عن التسويق والمبيعات والعلاقات العامة

وأسماء شركات عالمية

وطبعاااااااااااا ماكنتش بعرف أرد على ولا سؤال لأنى طالب بكلية هندسة مش تجارة

بس استعملت فكرة الاستار والانشطة التطوعية والخبرات الاجتماعية والجمعيات الخيرية

وبدأت اطبق كل كلام البشمهندس أسامة بالحرف الواحد في كل كلمة

وكانت النتيجة

ان الست دي قالتلي رغم إنك ضعيف جدااا في البيزنيس

الا انى هديلك الفرصة واشغلك معانا

وبعد ٣ أيام حبت الشركة تعمل تصفية

للـ 258 موظف اللي اتقبلوا

وكلهم اعلى مني اصلاً لآنهم من تجارة وحقوق وكدة يعنى

واتعمل معانا زي انترفيو يعني اعادة مقابلة شخصية

واللي كان بيعملها معانا مش موظف اتش ار لالالالالالالا دة كان مدير الفرع شخصيااا

واتقبل 70 واحد بس من 258

والغريبة إني كنت من الـ 70 واحد

إزاي

ماعرفش غير إني طبقت كلام البشمهندس أسامة في كل حاجة

زي طريقة الكلام والسلام وكل حاجة حتى في اللبس

ودلوقتي أنا شغال في الشركة في قسم العلاقات العامة

ودلوقتي أنا في فترة تدريب من الشركة على الشغل

ادعوووووووولي

وبجد بشكرك جدااا يا بشمهندس أسامة وربنا يجعله في ميزان حسناتك

وعلى فكرة أنا ناوي أسيب الشركة بعد فترة التدريب

لأني طالب وماينفعش أشتغل أثناء الدراسة لأن هندسة كلية عملية وصعبة