أحمد عاطف

•السلام عليكم ورجمة الله وبركاته
•انا احمدعاطف كنت معاك يا باشمهندس في الدفعه ال14 وكنت زي الاطرش في الزفه طبعا مش فاهم حاجه في اي حاجه
بس مع الوقت الدنيا بدأت تنور واحده واحده الكلام ده كان تقريبا في 2012وكنت بحضر ايفينتات في الساقيه وغيرها وغيرها
•لحد ما جت بنت محترمه من بنات معا وقالت في في رساله المهندسين كورس انجليزي هيبدا واللي هيدرس اجنبي من انجلترا المهم روحت وكنت المعناوي الوحيد
اللي اتقدم للانتر فيو ووسط الشعب اللي اتقدم قالو هناجد 6 بس بفضل الله كنت منهم المهم اتظبطت انجليزي وكنت باخد الراجل الاجنبي وافسحه واقعد مهاه
•اطول فتره ممنكنه ييجي 5 او 6 ساعات فاليوم ههههههههههههههه
وبجد شربت الانجليزي شرب وانا بشكر البنت دي جدا (هي غالبا كان اسمها شيماء فتحي او رحاب يسري مش فاكر بس لو شوفتها هعرفها)

•لحد ما جت اللحظه الفارقه في حياتي حضرتك قولت لنا في محاضره علي ايفينت عاملاه جوجل في هندسة عين شمس وهيلقي المحاضره مدير الشركه في مصر
واحد اسمه وائل الفخراني المهم كنت منبهر جدا من المحاضره وقولت انا لازم اقابل الراجل ده بعد المحاضره فابلته بالفعل وقولتله انا نفسي اشتغل في جووجل اعمل ايه
قالي انت بتشتغل ايه قولتله عندي محل وانا بدرس برضو قالي ساعتها الكلمه اللي شقلبت حياتي (وائل الفخراني نفسه يكون زي احمد عاطف ) ازاي اجدع هههه دي جوجل برضو وانا حايلا واحد قالي لا بالعكس انت مدير نفسك واصاحب شغل مش شغال عند حد بس لازم تكبر نفسك و(وتخبط الحيطه براسك يا اما تكسر الحيطه يا اما دماغك هي اللي هتتكسر)
•ومن هنا وقفت مع نفسي وقلت المحل ده لازم يبقي شركه الحمد لله تعبت جدا جدا فالاول لحد ما بدأت اتعرف فالسوق وكنت بأجر سيارات نقل اوزع عليها بضاعتي وبمضي علي شيكات علشان المستوردين والمصنعين يدوني بضاعه والحمد لله بعد اول سنه شغل وتعب اشتريت عربيه وشغلت 2 معايا ومبيعات الشركه في السنه التانيه اتضاعفت 4 او5 مرات ما شاء الله وانا بارزق والناس اللي معايا بترزق وكلنا بنرزق من فضل الله والمصنعين والمستوردين هما اللي بيتهافتو عليا علشان يدوني بضاعتهم وبدون اي ضمانات كمان والسنه اللي بعد كده احسن من السنتين اللي فاتو الحمد لله وحلمي اشغل معايا 10 وافتح بيوتهم
(وخبط الحيطه بدماغي والحيطه هي اللي اتكسرت)
•الحمد لله اولا واخيرا وشكرا ليك جدا يا هندسه وشكرا للبنت المعناويه المحترمه (شيما او رحاب)بجد كان ليكم تأثير كبير في حياتي
•شكرا أحمد عاطف