قصة نجاح فى الحصول على وظيفة

قصة نجاح فى الحصول على وظيفة

السلام عليكم ورحمة الله وبركاتة
إزيكم جميعاً يا معاميع

 
أولاً أحب أشكر م/أسامه على مجهوده في معاً
وأحب أشكر جميع المعاميع القدامى اللي بيفيدونا بخبراتهم وبالأخص مازن

لأنه هو اللي ساعدني في إني ألاقي شغل وده كله طبعاً بفضل ربنا وتوفيقه لينا كلنا
إيه بقى الحكايه قولنا اشتغلت إزاي؟؟؟
لما سألت مازن وقلتله أنا لو عاوز شغل مؤقت أعمل إيه؟؟
قاللي روح برج التطبيقيين فى العباسيه وهتلاقي شركات كتيره في البرج ده قولهم

أنا عايز أقدم في الـ Call center   وبعد ما تخلص تروح نقابه التجاريين اللي بعدها بخمس دقايق

مشي بس وتقدم في شركة Ecco   في برج التطبيقيين قدمت الـ سي في, في Wasla   واتصالات

وقالولي هنتصل بيك في خلال 10 أيام ولما روحت نقابه التجاريين في الدور العاشر قدمت الـ سي في

لقيتهم بيقولولي طب تفضل استريح وهتعمل انترفيو حالاًً والإنترفيو كان سهل ياجماعه محدش يقلق منه

هتتسال كام سؤال كده بالإنجليزي في عشر دقايق والاتش ار هناك بيتعاطف مع الناس وبيتلكك عشان يقبلهم

ولو شافوك مؤهل بيقولولك على معاد الإنترفيو التاني في فودافون كان بعدها بيومين

وماكنتش متوقع إنه هايبقى بالسهوله دي
الإنترفيو كان 3 أسئله في 3 دقايق وبالعربي
في نفس اليوم بالليل شركه إيكو اتصلت بيا وقالتلي حضرتك تشرفنا بكره إن شاء الله في فودافون الساعه 3

في فرع زهراء المعادي
لو إنت حتى شايف إن ده مش الكارير بتاعك قدم وخد خبره عشان تسهلك الوصول للكارير بتاعك
وربنا يوفق الجميع
AsSeM.FarrAg