محمد الفلال

محمد الفلال 

سلام عليكم

انا محمد سمير الفلال خريج هندسة عمارة اكاديمية الشروق دفعة 2011 , وحاليا فى 30-1-2012 انا بدرس فى معهد تكنولوجيا المعلومات (ITI) ,

و دى قصة دخولى المعهد.

فى البداية سمعت عن ال (ITI) من صديق ,كان بيقولى انى لازم ادخل عشان فعلا هتفرق معاك بعد كدة فى الشغل و بتفتحلك سكك مختلفة ,

ولكن كان هناك مشكلة و هى الجيش كان لازم موقفى من الجيش يكون محدد , لكن قولت هحاول و ذكرت و عملت join

 على group  كان الناس بتشرح فية ازاى نقدم و الاسئلة المتوقعة ,

و شفت ال event  بتاع (معا) و رحت وكانت فعلا مفيدة جدا عشان التقديم للمنحة و حتى يمكن فى حياتى عامة.

و بعد كدة روحت و قدمت و اخذت معاد الامتحان و ذكرت و ادربت على طرق المسائل زى ما م. اسامة الجوادى و م. محمود حبيب

كانوا بيقولوا و رحت الامتحانات وكانوا 3 (IQ,English,personality) حاولت انى اعمل كل النصائح اللى سمعتها فى محاضرة (معا) ,

فى حجات عملتها وحجات نسيتها , المهم وقت الامتحان كان قصير لكن نصائح معا كانت مفيدة فعلا و ساعدتنى فى ادارة الوقت.

ولكن مع كل هذا ملحقتش بردوا احل كل الاسئلة  😀 و دة لانى اصلا بطئ 😀

 و خرجت من الامتحانات خايف ومش حاسيس انى هنجح , بس سبحان الله اول لمل روحت البيت شفت النتيجة والحمد لله نجحت و اتحددلى

معاد الinterview  , و رحت يوم ال interview دخلت مبنى ال ITI فى القرية الزكية ,

كنت بتخيل و اسئل نفسى تفتكر هتكون مع الناس اللى هيتقبلوا و كل يوم تدخل المبنى الجميل دة

المهم دخلت ال interviews (Technical,softskills) والحمد لله كانوا كويسيين وخاصة ال technical لانى فضلت كتير فى ال interview

و عرضت الاعمال السابقة  اللى جبتها معايا (رسومات , مشاريع , الخ) .

اما عن ال softskills interview فكنت حضرتلوا من قبلها و كان فى دماغى مواضيع و اجابات لاسئلة كان متوقع انها تتسئلى ,

ولكن كان فى طبعا حاجات مش متوقعة لكنى كنت مركز اوى و انا فى ال interview و هذا طبعا على غير العادة 😀

المهم جاوبت و الموضوع مشى كويس , الواحد فعلا لو مركز فى المواقف الهامة فى حياته الدنيا هتفرق فعلا معاه حتى

لو بعد كدة منجحش فى امتحان او متقبلش فى شغل او فى اى حاجة بس هيكون عمل اللى علية و ممكن اصلا يكون خير لية انوا ميدخلش الشغل دة,

الواحد ميعرفش الخير فيين.

و فى النهاية

مش هقول زى كل الناس ” مفيش معدلة للنجاح ” لا

انا شايف دى معادلة للنجاح ” اعمل كل اللى عليا + ادعى ربنا يقدم ما فية الخير

و شكرا

محمد الفلال