محمد صالح

قصة بداية نجاح بناءا علي اوامر عليا
طيب مطلوب مني اني اكتب قصة نجاح و انا لسة معملتش حاجة في حياتي عشان اعتبرها نجاح المهم هقول و انتوا حريين بقي
كل الحكاية اني معناوي بالفطرة بمعني من قبل ما اخش معا و انا عندي غييرة ايجابية و عايز انجح و بسعي عشان انجح و مش عارف عادي يعني
معا علمتني اني بدل ما انا ماشي علي سرعة 20 كيلو مثلا ان الحياة فيها سرعات اعلي كتيرررررررررررررر بس اجري انت و الحق و شغل دماغك
انا و انا في سنة تانية بعد الحمد لله ما قدمت في شركة فودافون عشان اتدرب في الصيف الحمد لله رحت عملت انترفيوا كان وقت امتحانات ساعتها المهم الانترفيوا كان عادي جدا جدا جدا جدا بس كان فية مشكلة اني كنت لسة معنديش خبرة الانترفيور نفخني بمعني الكلمة المهم خرجت من هناك هي فودافون جنب بيتي مش بعيد قعدت كنت ماشي علي الكورنيش عشان اروح ققعدت اعيط طول الطريق
المهم روحت و قررت اني هنجح يعني هنجح و هخش الشركة دية و اتقبل و انا اللي اقول ما عايز اشتغل المهم
و كتب انا اية اللي ناقصني في ورقة و محتاج اتعلمة
المهم بقي امتحنت و جيت كنت قاعد علي النت بقلب و خلاص لقيت بنت اسمها مروة ادم ربنا يمسيها بالخير
المهم كانت مشيرة بوست عن كورس الماني و انا جيت اتريق و قولتلها ياااااااااااااااااااااااااااة مش لما ناخد انجليزي الاول اليوم دة هي مسكتني غسيل و مكوي و دة كان احلي يوم في حياتي فوقتني ساعتها من واحد بيقول هعمل هعمل هعمل
لحد بيعمل المهم
رحت رسالة اشوف اية الكورسات دية المهم الموضوع عجبني و كان عندي تطفل رهيب عايز اعرف الناس دية شغالة ازاي اتطوعت
خلال شهرين بقيت متطوع مسؤل
مسؤل عن نشاط الدعايا ل رسالة في جامعة القاهرة مسؤل اسرة تواصل و بدأت تضحك الدنيا ساعتها الحمد لله
متطوع بيدرس بيشتغل معاة فريق 14 واحد كل موظفين مراكز رسالة و الجوكر بيجوا يشتغلوا معايا ينظموا اليوم معايا متقوليش ازاي بس دة توفيق ربنا قبل اي حاجة
المهم استمريت سنة في الاسرة لحد ما جاتلي فرصة شغل مع شركة بدون ذكر اسمها رايح اعمل الانترفيوا داخل لقيت اللي موجود جوة يعملي الانترفيوا واحد انا كنت جبتة يدي ندوة في الجامعة طبعا كانت صدمة اشتغلت في المكان دة شوية و كل دة في دماغي معا انا عايز اروح بس مش لاقي وقت
و بعد شهرين من الشغل رحت الجامعة عشان ابقي مسؤل التسويق عن الشركة دية في جامعة القاهرة و عين شمس و الحمد لله حققت نجاح كويس لان كنت بعمل نفس الشئ قبل كدة و انا متطوع انتوا نسيتوا ولا اية :
المهم اشتغلت مع الشركة دية تقريبا 6 شهور بعد كدة رحت قررت اسيبها و دخلت معا و بدأ النجاح فعلا و بدأت اعرف ازاي اشتغل من غير ما حد يمص دمي
اتعلمت في معا معني كلمة نجاح و سعي بذكاء
و بدأت منح معا اول حاجة اخدتها كانت برنامج تميز من بيرلتز
و اخدت GEW
و استمرينا علي كدة دخلت روند
و علشانك يا بلدي
اسرة كلمة
تواصل
رسالة
باثواي تيم
المهم اتخرجت و انا مخنوق جدا
و بعد كل اللي عملتة كنت حاسس اني فاشل عادي يعني
المهم كنت اخدت محاضرة مع الميدع كريم سمارة عن استخدام الميل مارج
و البشمهندس قال ابعت 1000 CV
عشان يكلمك منهم 100 تعمل انترفيوا في 10 تتقبل في اتنين
و دة اللي حصل كل الفايلات بتاعت معارض التوظيف اللي نزلت عل معا اخدتها و اشتغلت عليها 4 ايام نوم تقريبا 4 ساعات الايلات فيها حبة غلطات تظبيطلها طلع عيني و بعدت المهم ال Gmail بيبعت 500 ميل في اليوم
عشان محدش يستغرب بعدت 1700 ايميل
كان بيبقي عندي 4 انترفيوهات في اليوم
كنت ببقي مروح ميت
المهم بقي اني كان عندي انترفيوات علي مدار الاسبوع و مظبطلهم جدا
الاهم اني مرحتي غير 5 انترفيواهات بس
اهه اول يوم اتقبلت في مكانين بس مش عاجبوني
تاني يوم جالي مكان احلي كتير الحمد لله انا شغال فيه دلوقتتي
و كنست الانترفيوهات الباقية كلها
و انا بعمل الانترفيوا اللي نجحني اني كنت في علشانك يا بلدي لان نشاطها في تنمية المجتمع لية علاقة بينا
اهه علي فكرة الحمد لله
انا معروف في الشركة بكلمة انت مش سهل يا صالح
اصل كل الحكاية اني كنت بعمل مشروعي و الحمد لله محصلشي نصيب اننا نعملة
و لما تبقي مسؤل عن مشروع كامل او ليدر اي تيم بيتولد عندك حاجة واحدة بس
اعمل كل اللي تقدر تعملة انت مش محتاج مدير يقولك انت تعمل اية او يديك تاسكات انت بتبتكر و تخترع
حاول في اي نشاط تدخلة انك توصل انك تبقي هيد هتتعلم كتير فعلا
و بجد لازم اشكر البشمهندس و كل المعناوية لان كل واحد فيهم لية فضل ان علمني حاجة مش عارف انتوا استحملتوا ازاي تقروا دة كلة انا نفسي تعبت يا جدعان يارب معا تبدأ بقي انا وحشتني جدا 
اهه علي فكرة انا اتقبلت في فوادفون و انا نفضت زي ما كان نفسي