معناويه من الصعيد”رقيه محسن”

رقيه محسن

تاريخ القصة: 24/8/2016

اعرف حضرتك بنفسى اسمى رقيه محسن فكرى دفعه 24

هاخد من وقت حضرتك شويه

البدايه كانت انبهار بكيان معا وانى كان نفسى احضر حاجه كبيرة سمعتها مرة من جهاد خالد ونسيتها وبعدها من متابعتى ع الفيس احياها عبد الحميد زيتون وعبد الله الريان انا والداى من النوع الصعيدى شويه ف بابا كان ف بدايه الانشطه وكد ع طول خناق ورافض فكرة اى سفر

انا ف كليه تجارة انجليزى داخله 4 من مركز الفشن محافظه بنى سويف

المهم قدمت ف الدفعه وبعد عناء يعنى اقنعتهم انى ف حد من اصحابى رايح معايا وانى مش هسافر لوحدى وانى هكون معاهم واصحابى كلموهم وكدة

بعدها اتقبلت وبعض منهم اتقبل والباقى لا والى اتقبلو كان ظروف ماديه مرضيوش قدمو وواحده كانت ف المستشفى يعنى نحست معايا

دبت خناقه ف البيت واخدت قرار هسافر لوحدى مصر اول مرة اول تقديم ف سنتر اكت توهت شويه وركبت للسيده زينب بدل الجامعه بس وصلت الفرحمد للله

بعدها اول محاضر ليا كانت المفروض احضر الساعه 9 من المركز لمصر حوالى 4ساعات او3.30 اول يوم نزلت بابا نزل معايا ع الفجر ملقناش مواصللات اخدنى بالعربيه لبنى سويف عشان اركب من هناك تانى مرة برضو كذلك تانى يوم للدفعه حصل حاجه كانت كفيله انى مكملش  ركبت مواصلات متاخر من رمسيس كنت ع اخرى من التعب ف نمت وراسى ع الازاز والكرسى القلاب وانا اصلا بتعب من المواصلات ف واحد قد جدى عمل حاجه مش لطيفه

ف خفت وعيطت وكلمت ماما والدنيا كبرت وكدة بس والدتى قدرت تسيطر عشان ااقدر اسافر مرة تانى ف المهم بابا قالى مفيش مرواح تانى قولت طيب ابعت لحضرتك هقولك ايه المهم حاولت بال خناق ف اقترح عليا اخد اخويا بس مرضتيش واقترحت عليه اركب القطر

معاناه القطر كنت بنزل مع بابا قبل الفجر اركب قطر 5 وافضل واقفه ال 4 ساعات او ال3 ساعات ومرة مكنتش لايق مكان وقفت جمب الحمام

كان اى حد طالع وداخل والاكور بتاع الباب ف ضهرى انا من النوع الانطوائى جدا مش بعرف ابدا كلام مع الناس بحس انى تقيله وانا مش بحب الاحساس دة المهم فات منى كذا حصه كنت هوقف عشان الميد تيرم وتعب والدتى بالمناسبه والدتى عندها شلل ف رجل  وبتستخدم العكاز يعنى كانت ف امس الحاجه ليا بس هى كانت بتشجعنى والحمد لله حد متقى الله واحمد ربنا ع تربيتها

المهم كملت وكدة كنت بروح 10 بليل بس كنت ببقا فرحانه بيوم الجمعه كان كله تامل مع ربنا وانا ماشيه ف الطريق

جه يوم الكلوزينج حضرتك قولت الى عنده حاجه حابب يقولها عاوزة اطلع ااقول كل الى مريت بيه دة بس خفت انه يكون رياء وانى اضيع كل دة وانى خجوله شويتين

كنت كل مرة ااقول هبعت لحضرتك ااقول طيب انا عملت ايه ااقوله عليه يفرحه انى مش بجيب تقدير ف الكليه وتقدير جيد وانى مهما ذاكرت مجبتش وانى

ولا انى معملتش حاجه ولا انى تايهه برضو

انا مازالت بسععى وحاول اتعلم كل حاجه

حاليا انا ف فؤيق مصر تعمل فريق EDUCATION  ومعايا مستر محمد بهاء بتاع POWR OF MISSIONوهنضم ليهم قريب ,ف فريق EDP فاسيليتور ,فريق الاذاعه ف راديو بنسكافيه ف بنى سويف

وفريق اصدقاء مدينه زويل فريق السوشيال  وبحاول ادخل ايوث

اخدت منحه INNOVEGYPTE وضاعت عليا الباثواى 4 ايام منها عشان الاتنين كانو نفس الوقت ف ان شاء الله هقدم السنه الجايه خسرت فرص كتير بسبب سكوتى ف المنحه وانى كنت بتحرج وكده ضيعت خطاب تزكيه من المدرب قدمت ف الاكسليتور تدريب تبع TICEف شهر 9

بحاول مااقفش

امبارح كنت عملت برزينتيشن عن السوفت سكيلز كانت الحمد لله فضل منه جميله جدا بعد محاوله ياس منى انى كنت ف المنحه طالعه اعرض موضوع معين اتوترت ومكملتش ودخلت عيطت ف الحمام كانت الدنيا اسودت بقا وانا خللاص مش هعمل ومش هبقى مدربه وازاى ووانا طلعت وغلطت

يشاء ربنا بعدها انى ااقدم كويس جدا  ومفيش اى ملاحظه

حاليا يابشمهندس انا خلصت ليفيل 7 كورس انجلش وموقفه تانى عشان الدراسه
عملت كذا برزنتيشن ف مصر تعمل وف EDP بتعلم الحمد لله
روحت تدريب ماركتينج ف المنيا تبع فريق جول تيم
بحضر مع اصدقاء زويل تدريب داخلى عاملينه احنا شباب حاسبات بيدربونا وحد معانا انجلش وحد من ال auc بيدربنا ع تحويل اى فكرة لورقه بحثيه
جالى فرصتين شغل واحده ف شركه مها كود والمدير بتاعها كنت ف تدريب هو بيديه قبل كده وعجبه انى بجاوب وعندى معلومات
بدا يتواصل معايا وعاوزنى اعمل زياره للشركه اسمها مها كود
ديجيتال ماركتينج
الفرصه التاتيه هو شاب قدنا وجايب توكيل لاكاديميه chang بتاع الانجلش وعاملها ف بنى سويف وعنده شبكه علاقات حلوة
وعرض عليا انى اشتغل معاه ف شركه جديه هيعملها هتبقى ديجتال ماركتينج و mm دة نوع تسويق مش موجود ف مصر ع حسب ما قال و،وابلكيشن للناس بتاع بني سويف الى بيتوهو ف الاماكن بيوفرله اى حاجه عاوز يعرفها ،بس هى زى تسويق شبكى او انا مش فاهمها كويس هو المفروض انا هتدخل الجروب الى عامله وهعرف 10 بالفكرة دى وال10 هيعرف 10 وهكذا
انا من العاملين ف الشركه لكن الشخص الى هو مش من الشركه وهيجيب 100 ليه share ف الشركه او نسبه ع حاجه معينه كمكافاء ليه تمام ،مش عارفه اعمل فيها ايه؟؟؟؟

بشتغل دلوقت ع موضوع الراديو ف برنامج هنقدمه للمشاكل الاجتماعيه انا بساعد ف كتابه الاسكربيت وهذيع فيه
غير الكليه وكورساتها ومحاضراتها انى مش بعرف ااقصر واغيب
بحس بتانيب ضمير وانى معملتش واجبى ع اكمل وجه
كنت حابه ااقدم ف ايوث مش هينفع عشان داخله ف كذا حاجه
ى اخر سنه ف الكليه
اناكتس برضو كانت فاتحه مرضتش ااقدم
pom بتاع محمد بهاء برضو مترددة انى اروح عشان الوقت
بحاول اشارك مع مجموعه من الناس المهتمينself study
شويه توهان كتير …ربنا يرشدنا للخير ومنقفش ويؤزقنا السعى والهدف ويجعلنا من عمار ارضه

انا برضو يعتبر معملتش اى حاجه بس الحمد لله بسعى

وربنا بيخلق الفرص

اشتقت لايام معا ع فكرة قدمت لاخويا الدفعه دى بس حسيته معندوش حماس ولا هيتعلم وهيخلينى اضيع وقت ف سفرى معاها وممكن حد تانى يستفيد بدل منه ف اجلتها معاه

شكرا عشان علمتنى كتير انا بنتك وبرفع راسك ك معناويه بحاول اشجع الناس ع قد مااقدر

بفرح لما  اى حد ع قد مااقدر بفتخر لما بيقولولى يامعناويه ولما بعمل حاجه ويقولولى معا والى بيجى منها وحلاوه ناسها

هبعتلك بعد كدة الى بعمله وبنات معا متابعه معاهم وبحاول نكون العصابه الى متقعش

فخور انى بنتك كان نفسى ااقابلك واكون من كيان معا وااقدم كتير الفرحه الى بتمنا اعيشها اول ما بشوف اولادك وشغلهم والفريق الرائع

يوما ما هيكون لينا لقاء يااستاذنا

بنتك المعناويه الصعيديه

رقيه