ياسمين عبد المقصود

عرفت معا من الدفعة 19 واحدة صحبتى دخلتنى على جروب الياهو بدأت اعرف المنح والكورسات وبدأت انزل واشترك فى اعمال تطوعية ومنح
دخلت معا الدفعة 25 كنت قاعدة زهقانه بصراحة لأن كل الكلام اللى بيتقال يعتبر عرفاه مع ان البشمهندس نبه وقال اى حد عارف الكلام ده قبل كده ميدخلش معا لأنها مش هتفيده بس كنت مصرة انى ادخل واتعرف على كوكب المعنوية وكنت واثقة انى هستفيد منها
كونا عصابة وبجد عصابة ماشاء الله عليها
فى يوم الساعة 3 بليل اقترحوا أننا ننزل معرض توظيف كانوا منزلينه على جروب معا تبع مصر تعمل
كان اغلب الوظائف سيلز وHR قلت اكيد مش هلاقى فى تخصصى وقررت مرحش
تأتى يوم صحيت على تليفون من العصابة
ولقيت 25 مكالمة لم يرد عليها وصمموا انى انزل المعرض
نزلت وسبحان الله تشاء الأقدار انى القى شغل وفى المجال اللى عوزاه وهو مهندسة جودة فى سلسلة مطاعم شاورما الريم بعت ال cv بتاعى بعدها بأسبوع لقيت مكالمة من الشركة عشان اعمل الانترفيو فيما بعد عرفت أن المكالمة دى كانت من مدير الإدارة بنفسه بيكلمنى ويقولى انتى لازم تيجى الانترفيو
عملت انترفيو اول مع HR وللمرة التانية على التوالى اتفاجأت الاسئلة كلها كانت نفس الاسئلة اللى البشمهندس قالها فى معا عديت الانترفيو الأول وجيت الانترفيو التانى مع المدير المفروض انه كان يسألني أسئلة تكنكال فى المجال نفسه دخلت الانترفيو وهى كلمة واحدة اتقلتلى مبروك عليكى الشغل معانا مش محتاجة تتكلمي cv بتاعك اتكلم عنك
اليوم اللى بعده كان اجتماع مع التيم كله ورئيس مجلس الإدارة ومديرين الادارات وتيجى هنا المفاجأة الأكبر انى أصغر واحدة فى التيم وفى اللى موجودين كلهم
الكل بيقدم نفسه اقل واحد كان 10 سنين خبرة فى الجودة والرقابة و جيت أقدم نفسى طبعا حديثة التخرج لسه متخرجة بقالى شهرين وzero خبرة الكل كان متفاجى من الموقف لكن المدير قال كلمة واحدة انا براهن عليها عملت cv بتعها فى سنة واحدة وعشان كده قبلتها
ويارب أكون قد المسؤلية والمكان الى انا فيه
وفعلا مفتاح النجاح هو كلمة ( أسعى )

حقيقى شكرا معا
شكرا بشمهندس أسامة
ربنا يجعله فى ميزان حسناتك وتفضل منارة لكل طالب علم