أمنة بدران

تجربه حياتي
الفكره مش تأهيل لسوق عمل ولا CV ولا مسائل ال IQولا شويه الحبشكنات الفكره فكره تي كلم تي كلم 😃😉
لوز_العنب 😃
ولا تسويق وزياطه 😁😃 ايون معظم الناس من بره بتشوف معا كدا انا واحده من الناس كان من اسباب دخولي معاا استفزازي للهيصه ومعا وأنا معناوي 😃🙈🙊 !!

إيه يعني كل ما هحضر لسبيكر ولا أسمع قصه نجاح يبقي معناوي 🐸 ليه ها لييه في إيه يعني 😃😁
والفضول ….وبجنب ان كنت بدأت عايزه اشتغل فعلا وبالتالي اكتشفت اني محتاجه شويه حاجات قولت نجرب 😃
…………………
عمري ماكان ف دماغي ان دماغي هتتشقلب 3600 درجه ! ولا ان ممكن ادخل مكان يأثر فيا لدرجه إني كنت بنام 10 ساعات بقيت بنام 4 وصعبان عليا ال4 ساعات دول 😁😃
ولا إني في حد ممكن يتابعني ويزقني ويفضل موصر إني اعمل حاجه وإني أوصل ….حد موصر بجد يطلع النور من جواك عشانن تنور في الضلمه 😃😉😍 مسيرنا ننور 🐸
إن يتزرع جواك فكره السعي وتبقي مؤمن بيها اكتر م كنت !
إنك تلاقي نفسك وسط ناس وتتمني تكون منهم ومعاهم
إن أول مبشوف الممبر او MCC أفضل ساكته وأنسي الكلام ولاقيني بسمع بس !😃 وعيني بطلع قلوب آه والله اول مبشوفهمم بنشكح والواحد بيرجعله الأمل اللي بينتحر طول الأسبوع ف الجامعه ومواصلات مصر 😁😂
كل يوم في معا كنت بظبط حاجه عندي فكره او بثبت وبثق أكتر في حاجه عندي وحاجع بعملها 😊
فهمت وحسيت جدا يعني إيه الأب الروحي أو أخ كبير م/أسامه الجوادي 😍 ينهار ابيظ ! ينهار ابيظ 😃 يعني إيه حدد يبستف فيا يوم كامل عشان محضرتش الصبح وفاتني حاجه مهمه 😁 يعني إيه يقولي روحي لفلان واعملي كذا وبطلي كداا كل كلمه وكل حاجه م/أسامه قالهالي عمري ماهنساها وهفضل موصره ان اعملها وأن أكون قد المسؤليه وقد الحلم …ربناا يكرمك بجد ويسعدك دنيا وآخره 😃😁دعوات بالعبيط
…………..
مش ممكن أنسي ال MCC ونصايحهم وكلامهم ولا انسي أول MCC قعدت معاه أحمد عادل وازاي بيسمع كل واحد فيناا للآخر كنت مندهشه ومبهوره انه بيسمع كل واحد واقف للآخر ويفصص كل كلمه وحرف تتعلم يعني ايه تحليل لكل حرف ولكلل حاجه بتفكر فيها … ربنا يكرمك بجد اكتر حد آثر فيا وساعدني ربنا يباركلك 😊
ولا أسماء نور الدين وكلامها اللي كله أمل وتجديد النيه وازاي بتساعد من قلبها
ساره الوادي والصدق والشغف في كلامها واسلوبها
مروه والثقه والإصرار والدعم اللي بتدعمه من قلبها
محمد ياسر والكلام المووزون وكلام ابو المعاطي اللي في الجون بعد مابيكلم مابلاقيش اسأله بيجاوب علي كل اللي بيدور جواياا وكل الاسأله 👌
آلاء 😍😍 حبيبه قلبي الأمل والنظام
جمال وضحكه شيماء _فتحي وتواضع وبساطه رحاب يسري
وكتير وكتير كل حد قعدت معاه كان بيزرع حاجه جميله جونا غير الافاده والمعرفه
مفيش كلام يوفي او يحكي
هيوحشني الجمعه والقعده قدام علي الأرض
عصابتي مكملين سوا واجمل حاجه الناس اللي اتعرفت عليها والدفعه الجميله دي 25👌👏👏
لسه مكملين لسه البدايه
الله المستعان يارب اللهم عمل
ونعوذ بك من علم بلا عمل او عمل بلا سعي او صحبه بلا طريق
وطريق بلا صحبه

الحمد لله الذي هدانا لهذا وما كنا لنهتدي لولا ان هدانا الله
الحمد لله ان عرفت معا واتعاملت وقابلت كميه الناس المبهجه الجميله المعمره كل دول ناس علوضعهم 😃😃 ايه دا …!
مش عارفه عملت ايه في حياتي حلو 😁😂 عشان اعيش يوم ف منتهي الجمال والبهجه والروعه
من كتر ما حاسه بسعاده وطاقه إيجابيه وفرحه #معا والكلوزنج مش لاقيه كلام او حاجه ممكن تعبر وتوصف اليوم او الناس دي ولا توصف اللي جوايا …الكلام ميوفيش والله ولا يوفي حق البشمهندس
ربنا يكرمكم واحد وااااحد 🙂
وويزيد من المعناويه والممبر والmcc

اللهم ثبات واستخدام وعمل بعد علم
بدايه الرحله