عماد أحمد

كمتطوعين فى معــــــــاً   ممكن متسميهاش تجربة  هيا فى الحقيقة امانة انت داخل عليها ..

ؤانا بالنسبة ليا مكنش عندى فكرة التطوع ف بداية دخولى الكلية معرفتهاش غير لما دخلت معا فى 2011 كــــ Delegate  كانت كل الحياة مقتصرة على حضور ف الكلية و خلاص  لكن معــــــاَ اتعلمت فيها كل حاجة و تعلمت روعة العمل التطوعى فى المكان دا تعلمت انك بجانب رؤيتك فى الحياة اللى هيا المشروع اللى عايز تفتحه او الوظيفة اللى بتحلم تشتغلها أو الحاجة اللى بتخططلها بعد كدا لازم يكون ليك رسالة عايش بيها و علشانها

ليه لازم يكون لك رسالة ؟  علشان فعلا تحس بإن حياتك ليها معنى جميل اووووووووى و كل المجهود اللى بتعمله بنية خالصة لربنا انك تغير من تفكير الناس او بتساعدهم او بتقدم ليهم خدمة  من غير مقابل .. المقابل اللى بنتمناه كلنا  رضى ربنا سبحانة وتعالى فى الدنيا و الاخرة ان شاء الله   أو دعوة حلوة من حد انت مش شايفه  او ممكن تكون دعوة تدخل على قلبك السرور  زى اللى حصل الدفعة دى مثلا 

تعلمت فى معــــــا  انك قد ايه تحس بانك سيبت أثر فى حياة واحد من الناس على الاقل علشان لما يجى اليوم و متبقاش موجود  يفضل يفتكرك بالخير دايما  تعلمت فى معـــــاَ ان كل حاجة بتعملها فى حياتك تكون باكثر من نية والاهم فى الموضوع ان كلهم يكونوا خالصين لوجه الله مش علشان حد من الناس ابدا ابدا خالص   يعنى واحده من النوايا اللى كلنا كمتطوعين فى معــــــــاً متفقين عليها كنية أساسية  هى : قضاء حوائج النـــــــــاس و أن يستخدمنا الله ولا يستبدلنا  

علشان كدا لازم تدرس كويس النية اللى انت داخل بيها كمتطوع فى معــــــا لازم تفكر اشمعنى انت اللى ربنا اختارك انك تعرفنا  او تبقى متطوع ف المكان دا من بين باقى الشباب  وحاجات تانية كتييييييييير جداااااا جداااااااااااا  من الحاجات الجميلة اللى هتحسها فعلا بجد  انك تبقى فى اسرة كبييييييييرة جدا جدااااااا ليك أخوات كتييييييير جدا ماشاء الله و أب واحد كدا أسمه بشمهندس أسامة الجوادى  البشمهندس مش مجرد أب او أخ  دا اسرة كاملة بكل معانيها .. اه و الله 

هتلاقيك فى اى وقت متضايق فيه او حسيت انك لوحدك دا مش هتحسه اصلا  هتلاقى حد من اخواتك فى الاسرة دى بيكلمك يطمن عليك هتلاقى مكالمة البشمهندس ليك بتفرحك قد ايه  هتحس بمعنى فخر الانتماء للكيـــــــــــــــــان  ربنا يوفقكم كلكم يارب وتبقى كلكو مقبولين معانا  اللهم استخدمنا و لا تستبدلنا   معــــــاً أحــــــــلى دنيا جوا الدنيا  مكمليييييييييين بيكم ان شاء الله  سبع سنين ‫#‏معا We are Ma’an and proud