بما إننا داخلين على الصيف، وإجازة العيد السنة دي جاية فيه، قلنا نستغل الفرصة دي ونطلّع الفنان اللي جوانا.
علشان كده، وبالمشاركة مع برنامج SHINE لشركة P&G، بنقدملكوا مسابقة رسم لصيف وعيد 2020.
أي إجازة كل واحد بيحب يقضيها بطريقته؛ اللي بيسافر ويروح البحر، اللي بيخرج مع أهله وأصحابه، اللي بيتعلم حاجة جديدة، أو حتى اللي بيحب يقعد في البيت.
والمسابقة لأي شخص من ذوي الإعاقة في أي سن.
وأهم حاجة، إن الرسمة بتاعتك تعبر عنك وعن الأنشطة اللي بتعملها في الصيف وإجازة العيد، زي: البحر، تقضية وقت مع أهلك وأصحابك، لعب الرياضة… إلخ.
الجائزة:
هيتم اختيار خمس رسومات فائزة هيتم الإعلان عنها (مع قصة قصيرة عن صاحبها) على صفحة حلم. وكمان الرسومات الفائزة هيتم طباعتها على منتجات مختلفة بها اسم الفنان وقصة قصيرة عنه.
بنشجع كل متسابق أنه يبعت أكثر من صورة.
للتقديم:
بيتم إرسال نسخة من الصور (scanned) بجودة عالية على الإيميل ده: [email protected]
مع اسمك بالكامل، رقم تليفونك، ونوع الإعاقة، وقصتك بشكل مصغر.
آخر موعد للتقديم:
الاثنين 27 أبريل، 2020
برنامج SHINE هو برنامج تطويري لمدة عام واحد يوفر فرصة للأشخاص ذوي الإعاقة للحصول على تجربة عمل واقعية ومباشرة في بيئة عمل حقيقية، بالإضافة إلى الحصول على الإرشاد من أبرز قادة الأعمال، والشرط الوحيد للتقديم هو إن يكون معاك شهادة بكالوريوس في أي مجال.
