محمد ياسر
عن التطوع فى معا انا دخلت معا 29-6-2010 كواحد من الحضور فى الدفعة ال 11 لمعا واستفدت جدااا بيها وكان عندى احساس داخلى حقيقى انى انا فعلا القروى الساذج الذى غرته اضواء المدينة اللى بيقول عليه البشمهندس اسامة
المهم حضرت الدفعة ال 11 وبدأت اطبق فيها واتعلم وكملت حضور الدفعة ال 12 وبدات اكون من ال MCC اللى بييجوا يوجعوا دماغكم فى كل محاضرة دول بأنجازتهم الحضارية وقصص نجاحهم وفى شهر 4 -2011 قلت كده مش كفاية انا لازم استفيد من معا دى اكتر واستغل الفرصة وكنت ساعتها عرفت انى بحب مجال ال HR بغض النظر انى بغير لحاجة تانية دلوقتى فقلت #معا هى احسن مكان اتطوع فيه وابقى HR واهو اجرب فيهم بردو واكتبها فى ال C.V كده وتبقى حاجة نضيفة فى تاريخى
انا كنت داخل بفكر فى الاستفادة الشخصية اولا ثم ارد جزء من جمايل #معا بس الحقيقة الجمايل لقتيها بتزيد بعدها ب 3 شهور خلونى امسك Head HR لمعا كلها وطبقت فيها حاجات كتير خلتنى عندى خبرة فى المجال ده واتعلمت من ناس كتير معا كانت بتوصلنى بيهم عشان اقدر اطور من نفسى وعملت علاقات اكتر وكان بيجيلى شغل وانا لسة طالب بفضل #معا حتى بعد ما اتخرجت وخلصت جيش وروحت اقدم على شغلانة HR كانت محتاجة خبرة وعلم اللى خلانى اتقبل فى الانترفيو هى خبرة شغلى فى معا واللى اتعلمته منها #معا بناخد منك شوية مجهود وتعب وسعى ونرجعهولك صباع كفتة تتغذى عليه معا للناس اللى عايز تعمل فارق فى حياتها وحياة غيرها