هاتكلم عن حكايتى مع معا …انا اعرف معا من الدفعة ال 16 وكنت باجى مع اخويا وجيت بردو ف الدفعة ال17 بس فى الدفعتين دول كنت باروح احضر المحاضرة وامشى على طول أو لو عوزت حاجة من ال MCC باسألهم وامشى بردو مكانش حد يعرف انا مين ولا باعمل ايه ولا حتى كان فى حد يعرف اسمى
بس ف اول محاضرة من الدفعة 18 … فى حد سأل على جمعية مصطفى محمود الفلكية .. فالبشمهندس قال حد منكم يعرفها ؟؟ فانا كنت عارف الجمعية وباروحها كتير جدا واعرف كل حاجة عنها تقريبا فقولتله انا اعرفها على اساس انه بيسأل عادى يعنى وهيكمل كلام راح قاللى طب تعالى هنا على المسرح قولهم هى ايه وبتعمل ايه كانت مفاجأة بالنسبالى انى اتكلم على المسرح بتاع معا بصراحة بس قولت ماشى نقول اللى نعرفه واهو ناخد شوية حسنات يمكن نفيد حد طلعت قولت على الجمعية والكلام اخدنى واتكلمت عن نشاط طلابى كده فى الجامعة الامريكية وقولت بردو شوية حاجات حلوة كده المهم بعد المحاضرة ما خلصت انا خارج بقا عشان اسأل ال MCC لقيت فى ناس بتسألنى وبتطلب رقمى وايميلى ومش عارف ايه بقا وحوارات مكنتش مستوعب الموقف اصلا بصراحة بس كنت مبسوط .. ليه مش عارف بس مبسوط … تانى محاضرة نفس الكلام والسعادة بتزيد مرة بمرة ابتديت اما اعرف اى حاجة جديدة اجرى اقولها فى معا عشان خاطر الناس تسألنى فيها واقولهالهم عشان احس بالسعادة دى لان هى دى اللى انا على طول باقول عليها متعة العطاء .. اللى اكتر مكان حسيتها فيه فى حياتى هو معا 3> معا اسلوب حياة .. متعة العلم .. ومتعة العطاء ..