رامى محمود أسامة
تاريخ القصة:20/9/2015
ازيك يا بشمهندس كنت عاوز احكيلك انترفيو جميل حصل معايا النهارده كنت قدمت علي warhose assistant في شركه تكنو بتاعت الموبيلات علي وظف من كام يوم بعد ماعملت ابديت للسي في تاني عليه و بعدها بيومين بالظبط لقيت حد بيكلمني من الشركه و بيقولي اني اتقبل السي في بتاعي و عندي انترفيو النهارده الساعه 1.30 الضهر 😀 😀 طبعا انا مصدقتش لاني متابع وظف من فتره كبيره اوي وقدمت في وظايف كتير لكن عمر ماحد عبرني 😀 طبعا عملت زي ماعلمتنا و دورت في job description بتاعتها علي جوجل و قرأتها و بعدين دورت علي معلومات علي شركه تكنو تحسبا لانه يسألني و كانت موجوده علي وظف و بصيت برا وظف كمان و روحت و كما توقعت سألني عن الحاجات دي و عرفت نفسي انجليزي و عربي و مابطلتش كلام الراجل بيقولي انت رغاي و واضح ان عندك حماسه كبيره و طاقه كبيره لكن يا عالم في الشغل هتفضل كده و لا لا ?
و الحمدالله اتقبلت في الشركه و قالي همضي offer تجريبي لمده 3 شهور كحد اقصي يجربوني عادي و هقبض طبيعي فيهم و لو عجبتهم هبتعملي عقد عادي و ياخدو بقي ورقي ? و طبعا الفضل يرجع بعد ربنا في ده لمساعدتك لينا و تعليماتك و تحفيزك للواحد علشان يتعب و يعمل حاجه و مش ناوي اوقف self study ان شاء الله رغم انه مالوش دعوه بشغلي بس بحاجه بحبها اللي هيا دراستي و ان شاء الله اقدر بعد كده انقل ليها لما تتفتح فرصه
#شكرا_معا ?شكرا باسمهندس و كنت عاوز اعرف رأيك برضو في اني ادوس فيها و لا لا
Ramy Mohamed Ossama