أحمد عاطف

•السلام عليكم ورحمة الله وبركاته
•انا أحمدعاطف كنت معاك يا باشمهندس في الدفعه ال14 وكنت زي الاطرش في الزفه طبعا مش فاهم حاجة في أي حاجة
بس مع الوقت الدنيا بدأت تنور واحدة واحدة الكلام ده كان تقريبا في 2012وكنت بحضر إيفينتات في الساقية وغيرها وغيرها
•لحد ما جت بنت محترمة من بنات معا وقالت في في رسالة المهندسين كورس إنجليزي هيبدأ واللي هيدرس أجنبي من إنجلترا المهم روحت وكنت المعناوي الوحيد
اللي اتقدم للانتر فيو ووسط الشعب اللي اتقدم قالو هناخد 6 بس بفضل الله كنت منهم المهم اتظبطت انجليزي وكنت باخد الراجل الاجنبي وافسحه وأقعد معاه
•أطول فتره ممكنه ييجي 5 أو 6 ساعات فاليوم ههههههههههههههه
وبجد شربت الانجليزي شرب وأنا بشكر البنت دي جدا (هي غالبا كان اسمها شيماء فتحي و رحاب يسري مش فاكر بس لو شوفتها هعرفها)
•
•لحد ما جت اللحظه الفارقه في حياتي حضرتك قولت لنا في محاضرة علي إيفينت عاملاه جوجل في هندسة عين شمس وهيلقي المحاضره مدير الشركة في مصر
واحد اسمه وائل الفخراني المهم كنت منبهر جدا من المحاضرة وقولت أنا لازم أقابل الراجل ده بعد المحاضرة فقابلته بالفعل وقولتله أنا نفسي أشتغل في جوجل أعمل إيه
قالي أنت بتشتغل ايه قولتله عندي محل وأنا بدرس برضو قالي ساعتها الكلمه اللي شقلبت حياتي (وائل الفخراني نفسه يكون زي أحمد عاطف ) إزاي اجدع هههه دي جوجل برضو وأنا حايلا واحد قالي لا بالعكس أنت مدير نفسك وصاحب شغل مش شغال عند حد بس لازم تكبر نفسك و(وتخبط الحيطة براسك يا إما تكسر الحيطه يا إما دماغك هي اللي هتتكسر)
•ومن هنا وقفت مع نفسي وقلت المحل ده لازم يبقى شركة الحمد لله تعبت جدا جدا فالأول لحد ما بدأت أتعرف فالسوق وكنت بأجر سيارات نقل أوزع عليها بضاعتي وبمضي على شيكات علشان المستوردين والمصنعين يدوني بضاعة والحمد لله بعد أول سنه شغل وتعب اشتريت عربية وشغلت 2 معايا ومبيعات الشركه في السنه التانية اتضاعفت 4 أو 5 مرات ما شاء الله وأنا برزق والناس اللي معايا بترزق وكلنا بنرزق من فضل الله والمصنعين والمستوردين هما اللي بيتهافتو عليا علشان يدوني بضاعتهم وبدون أي ضمانات كمان والسنة اللي بعد كده أحسن من السنتين اللي فاتو الحمد لله وحلمي أشغل معايا 10 وأفتح بيوتهم
(وخبط الحيطة بدماغي والحيطة هي اللي اتكسرت)
•الحمد لله أولا وأخيرا وشكرا ليك جدا يا هندسة وشكرا للبنت المعناويه المحترمه (شيما أو رحاب)بجد كان ليكم تأثير كبير في حياتي
•شكرا أحمد عاطف