محمد الفلال

محمد الفلال

سلام عليكم

أنا محمد سمير الفلال خريج هندسة عمارة أكاديمية الشروق دفعة 2011 , وحاليا فى 30-1-2012 أنا بدرس فى معهد تكنولوجيا المعلومات (ITI) ,

و دى قصة دخولى المعهد.

فى البداية سمعت عن ال (ITI) من صديق ,كان بيقولى إنى لازم أدخل عشان فعلا هتفرق معاك بعد كدة فى الشغل و بتفتحلك سكك مختلفة ,

ولكن كان هناك مشكلة و هى الجيش كان لازم موقفى من الجيش يكون محدد , لكن قولت هحاول و ذكرت و عملت join

على group كان الناس بتشرح فية ازاى نقدم و الاسئلة المتوقعة ,

و شفت ال event بتاع (معا) و رحت وكانت فعلا مفيدة جدا عشان التقديم للمنحة و حتى يمكن فى حياتى عامة.

و بعد كدة روحت و قدمت و أخذت معاد الامتحان و ذكرت و ادربت على طرق المسائل زى ما م. اسامة الجوادى و م. محمود حبيب

كانوا بيقولوا و رحت الامتحانات وكانوا 3 (IQ,English,personality) حاولت إنى اعمل كل النصائح اللى سمعتها فى محاضرة (معا) ,

فى حجات عملتها وحجات نسيتها , المهم وقت الامتحان كان قصير لكن نصائح معا كانت مفيدة فعلا و ساعدتنى فى إدارة الوقت.

ولكن مع كل هذا ملحقتش بردوا أحل كل الاسئلة 😀 و ده لإنى أصلا بطئ 😀

و خرجت من الامتحانات خايف ومش حاسس إنى هنجح , بس سبحان الله أول لمل روحت البيت شفت النتيجة والحمد لله نجحت و اتحددلى

معاد الinterview , و رحت يوم ال interview دخلت مبنى ال ITI فى القرية الزكية ,

كنت بتخيل و اسأل نفسى تفتكر هتكون مع الناس اللى هيتقبلوا و كل يوم تدخل المبنى الجميل دة

المهم دخلت ال interviews (Technical,softskills) والحمد لله كانوا كويسيين وخاصة ال technical لإنى فضلت كتير فى ال interview

و عرضت الأعمال السابقة اللى جبتها معايا (رسومات , مشاريع , الخ) .

اما عن ال softskills interview فكنت حضرتلوا من قبلها و كان فى دماغى مواضيع و ‘إجابات لأسئلة كان متوقع إنها تتسئلى ,

ولكن كان فى طبعا حاجات مش متوقعة لكنى كنت مركز أوى و انا فى ال interview و هذا طبعا على غير العادة 😀

المهم جاوبت و الموضوع مشى كويس , الواحد فعلا لو مركز فى المواقف الهامة فى حياته الدنيا هتفرق فعلا معاه حتى

لو بعد كدة منجحش فى امتحان أو متقبلش فى شغل أو فى أى حاجة بس هيكون عمل اللى عليه و ممكن أصلا يكون خير ليه إنه ميدخلش الشغل ده,

الواحد ميعرفش الخير فيين.

و فى النهاية

مش هقول زى كل الناس ” مفيش معادلة للنجاح ” لا

أنا شايف دى معادلة للنجاح ” أعمل كل اللى عليا + أدعى ربنا يقدم ما فية الخير

و شكرا

محمد الفلال