محمد الدسوقي
تاريخ القصة:20/4/2016
تحية طيبة وبعد …
بشمهندس أسامة الجوادي بشكرحضرتك جدا علي اللي اتعلمته منك إن إزاي معا بتخليني أوسع رؤيتي للحياة بطريقة أشمل أخدت بنصايح حضرتك كتير وبنصايح mcc وحاولت جاهدا أنا أطبق ما فيها أنا بشتغل كهربائي بحكم شغلي بقابل ناس كتير من فئة المديرين أنا ساكن بالشيخ زايد بس مكنتش بعرف أفتح معاهم كلام أو أظهرلهم أنا بعرف أعمل إيه كدراسة من ساعة مادخلت معا رؤيتي تغيرت بقيت بعمل نتورك مع أي حد بقيت جرئ فالكلام زي ما حضرتك قولت فكان عندى شغلانة كهرباء عند مهندس مدير أى تي في شركة محترمة اتعرفت عليه وعملتلو الشغل وعجبوا وابتديت أبرز مهاراتي الفنية الأخرى فأعجب بيا وقالي أنت معايا في التيم بتاعي هات السي في وأنا أقدمهولك والحمد لله هستلم الشغل قريب بمكان كان قدامي فترة عشان أوصله لو تدرجت وظيفيا المضحك حضرتك إننا كنت بخليه واقف معايا في الشغل بيناولني معداتي ومن يومين ركبته ورايا علي الموتسيكل بتاعي تخيل بقينا أصدقاء جدا وهوا راجل محترم ومتفاهم شكرا بشمهندس أسامة الجوادي شكرا معا غيرتوا حياتي للأحسن
محمد الدسوقي
مهندس شبكات it الدفعه 24