دعاء
بسم الله الرحمن الرحيم
السلام عليكم ورحمة الله وبركاته
أولاً أنا اسمي دعاء طالبة في كلية صيدلة
حاولت أجرب أنا وزميلتي قدرتنا على تنفيذ كلام البشمهندس
احكي لكم بقى إحنا عملنا إيه
إحنا أصلاً رايحين نسأل عن الجمعية العلمية لادارة الموارد البشرية في أركيديا الدور السادس
طلعنا الدورالسابع لقينا شركة وإحنا منعرفش أي حاجة عنها
دخلنا وبدأنا شغل
إحنا :– حضرتك هي دي الجمعية العلمية لإدارة الموارد البشرية
الموظفة :- لأ
احنا:– طيب هي ايه الشركة دي
الموظفة:- قالت لنا دي شركة عوده
احنا :– طب دي بتقدم منح كورسات
الموظفة :– لأ إحنا مش بنقدم منح بس في عندنا كورسات
والدورة الجديدة هتبدأ من شهر 10 والحجز من آخر9
وطبعاً أخدنا منها كروت بالمواعيد وأرقام الشركة
المهم خرجنا وقلنا نلف الشركة من الناحية التانية ونستجوب
حد تاني فقبلنا موظف الأمن
الموظف:– انتوا بتدوروا على ايه
احنا :– الجمعية المصرية لتنمية الموارد البشرية
قعد يكلمنا عن كل الشركات في الدور السادس والسابع
وبعد محاورات قالنا فيه في شركة عوده وظايف
دخلنا لموظفة الإستقبال تاني
احنا :– هو في وظايف فاضية ينفع نقدم
الموظفة :- أيوه يا جماعة بس دى للخريجين وسألتنا انتوا دفعة كام وعندكوا كام سنة خبرة
والتقديم ادفع5 جنيه عشان أملىء استمارة
استاذناها كان التليفون بيرن
واتصلنا بالمشمهندس وقالنا ادفعوا (البشمهندس بيضرب في التليفون)
دخلنا كان في شخصية (مهمة) جوة مع موظفة الإستقبال ومعاه ورق
المهم قلنالها عايزين الإستمارة
فاستاذنت تخلص الورق للأستاذ اللي كان واقف
فرصة نسأله لو بيشتغل في الشركة قعد يقولنا إنه مجهز مشروع في التنمية البشرية
وشركة عوده هتموله وقعد يكلمنا عن وظايف الشركة لحد ما الموظفة رجعت تانى
فسكت
وقمنا نسجل الأسماء ونسأل عن احتياجات الشركة وطلباتها للمتقدمين
وكمان سألتها لو حد عنده مشروع ينفع يقدم والشركة تموله
قالت لا ده للناس اللي شغاله فى شركات دولية في تعامل معاهم
المهم واحنا خارجين أستأذنا نكلم معاه شويه وسالناه هو بيشتغل في إيه
طلع في الإتحاد الدولي المشرف على جميع الجمعيات في العالم
سواء تنمية بشرية او خيلاية او أهلية أي حاجة
سالناه طيب مش عايزين متطوعين
سألني على تخصصي وإداني رقمه وقالي في أماكن كويسة ليكي
وإداني عنوان المنظمة في مصر والتليفون لأنهم دلوقتي طالبين
قليل (functional manager) بس المشكلة مرتب
ردينا عليه إننا عايزين عمل تطوعي
قالنا على مدام يرينى في المنظمة هي اللي تقدر تساعدنا
**وكده خلصنا مع شركة عوده **
بعد كده روحنا البنك وسالنا على منح وظايف كورسات بس فشلنا معاهم
بعد كده قررنا ندخل الجمعية
المصرية لإدارة الموارد البشرية وقابلنا م| راندا حسني
وسألناها على نشاط الجمعية ولو ممكن نشترك في اللجان
ردت عليا رد استفزني
احنا بناخد الناس المهمة
اللي عندهم علاقات قوية ويقدروا يساعدونا
رديت عليها وقدمت نفسى وحكت لها انا بعمل إيه
رجعت لورا وقالتلي ايه
ما احنا برده محتاجين الشباب
ومن بعد ما كنا بنحاول ندخل قالت لنا على 3 لجان جدد
ونعمل ايه لو عايزين نمسك رئاستهم وللطلبة 100
وللخريجين 250 ولو عايزين يمسكوا رئاسة 350
وسالتنى هو انتي عايزة تسيبي كليتك وتغيري نشاطك قلتلها
لأ أنا عايزة Extracurricular activities
ابتسمت ووشها نور وفرحت بينا خالص والممتع الإستمارة اللي أخدناها عشان نملاها
أقل سن فيها حوالى سنة30 وانا 19
وكده خلصنا الجمعية المصرية لإدارة الموارد البشرية
عدينا واحنا خارجين على برليتز
وقعدنا نسأله على المنح فقالي هما معندهمش
بس كنت وراه لحد معرفت أماكن كل المنح اللي يعرفها والأنشطة بتاعت بريلتز
وإزاي نقدم ولو حد عايز يشتغل وخليته يطبع لي الكورسات اللي بيعملوها كلها
وكده خلصنا برلتز
وخلصنا يوميها
في الآخر اقدم شكر كبير جدا بالنيابة عني وعن كل أعضاء معاً
للبشمهندس وربنا يباركلك ويجزيك خير عنا