حسام الدمنهورى
السلام عليكم ورحمه الله وبركاته
أولاً: أحب أشكر البشمهندس على قاعده زن
لأن قاعده زن دي بجد تحفة
بتنفع جداً وعن تجربه وهاعرض عليكم بعض مواقف زن معايا ومع أصحابي
أنا وواحد صاحبي روحنا رايه نقدم على شغل
قالتلنا حد اتصل بيكم
قولنالها لأ
قالتلنا مش هاينفع تتدخلوا الإنترفيو
طبعاً لو أي حد غير معاً كان مشي طبعا لكن إحنا معاً
قولتها
أنا مقدم من على النت والمفروض إنهم يتصلوا وأنا لازم أخش الإنترفيو علشان ده آخر يوم
قالتي خش وابقى قولهم كده في الإنترفيو
والحمد لله دخلنا الإنترفيو بفضل قاعده زن
________________
أنا وواحد صاحبي قدمنا في مودل عندنا في الجامعه بتاع بورصه
واتصلوا بيا وهو لأ مع إنه أحسن مني في البورصه ميت مره
بس هو معاً يسكت
طبعاً لأ
كلمهم قالوه لازم يكون حد اتصل بيك
أي واحد كان قال خلاص أنا مش مقبول
بس بتوع معاً مش بيسكتوا
أعدنا نسأل مين معاه الأسامي مين معاه الأسامي محدش عبرنا
نسكت
طبعا لأ
دخلنا على الموقع بتاعهم لاقينا اسمه
تفتكروا لو مشغلشي قاعده زن دي ودور وراح وجه كان هايعرف
أكيد لأ
__________________________
نفس الشخص تاني قدمنا في كورس مهارات الإتصال
وبعتولي أنا رساله تأكيد حضور وهو لأ مع إنه باعت قبلي
يسكت
طبعاً لأ
ده معا راح الكورس وعمل برشوت هناك
وحضر أكنه اتبعتله الرساله وبعد ماخلص راح كلم المسؤله واتكتب اسمه
وبقى معانا علشان طبعا في ناس مجتشي هو دخل بدلهم
____________________________
واحد صاحبى كنت عايز ادخله معايا كورس الإنجلش
وطبعا المدرس مكنشى راضي يدخل حد زياده نسكت بقى وميدخلشي الكورس
عيب إحنا معاً
قولنا يعمل هندي ويخش بس الرجل قفشه وطردوا
تفتكروا أي حد مكانه كان هايعمل إيه
كان مشي ومجاش تاني طبعاً
لكن عيب إحنا ايه ؟
معاً طبعاً
اتصل بيه على الموبايل وقاله أنا آسف إني دخلت بالصوره دي
وأنا مكنتش عايز أقطع الشرح وأنا محتاج اللغة وحبه كلام كتير
الراجل وافق الحمد لله وهو معانا دلوقتي
أنا نفسي مكنتش هادخل الكورس ده في الأول علشان أول يوم روحت متأخر 10 دقايق
مرداش يدخلني أنا وأصحابي وقال الفصل كمل خلاص
كل اللي معايا قالوا خلاص مش هاينفع ندخل
بس أنا ايه ؟ معاً طبعاً
أعدت اتصل بالمسؤول كل يوم لغاية مازهق وإداني نمرة المدرس وكلمته والحمد لله وافق
وأنا في الكورس دلوقتي وبعد كده إتعرفت على المسؤول عن التنظيم وأعدنا ندردش
قالي على فكره قاعده زن دي هي اللي تنفع معانا من الآخر
____________________________
اخر حاجة بقى
واحد صاحبى كان شغال مع قريبه وعنده شركه
قاله سر النجاح التلامه والإلحاح
ايه بقى اللي نستفاده من قاعده زن
طبعا أكيد مش الرخامه على الناس
بس ده اسمه حماس وإصرار للحصول على الحاجة
يعني أي مكان إنت ماتقبلتش فيه تروح أول يوم وتشوف لو محدش جيه إنت
waiting list
تدخل مكانه وده بيحصل في الباث واي دلوقتي
يعني اللي ماتقبلشي أو مدخلشي الإمتحان أصلاً ومرحشي أول يوم يبقى غلطان
أنا صاحبي كان هناك في الباث واي وقالي إن في أكتر من خمسه عملوا برشوت
ودخلوا من غير أصلاً مايعملوا إمتحان
وعملوا ورق من الأول في نفس اليوم ودخلوا
يعنى حرام بقى اللي طلع عينه في الإمتحان اللي هو ساعتين ونص والانترفيو وميروحشي
صح ولا لأ
في نهايه الكلام عايزين ندعي لبعض علشان النتيجة قربت تظهر
وندعي أكيد لحبيب المعانويييييييييييين
البشمهندس أسامه
كتيييييييييييييييييييير
استنوا مني مفاجأه قريب اوي
حسام الدمنهورى