احمد محفوظ
تاريخ القصة:24/12/2013
احد قصص النجاح ..السن عمره ماكان عائق المهم تسعي
السلام عليكم
م/اسامة الجوادى
انا اسمى احمد محفوظ وكنت من ضمن الحاضرين والمستمتعين بالدفعة 18 واحب افكرك بيا انا اول محاضرة رفعت ايدى وقلت لك : انا حالياً سنى 30 وكل الحاضرين يا اما من طلاب الجامعة او من الخرجين الجدد هل من الممكن ايجاد لى فرصة بينكم .
فتفضلت حضرتك بقول متسألش الا بعد انتهاء الدفعة……
وكانت هذه الجملة بمثابة انى اصبر حتى النهاية ودلوقتى احب اقولك شكراً لانى سوف احكى شوية حاجات يمكن الناس تستفيد.
اول حاجة انا كنت بعمل كل حاجة لمعا بتعملها بس لوحدى وعلشان كدة ربنا حب يجمعنى بالجروب ده عن طريق الصدفة لانى كنت رايح (job fair in msa university) ولاقيت واحد ماشي على الطريق الصحراوى فوقفت بعربيتى وخدته معايا واتضح انه كان رايح نفس الايفنت وساعتها قال لى عن معا وقررت ان احضر وكنت بعمل كل حاجة بيعملها الجروب ولاقيت الموضوع سهل بس لانى كنت بعمل كده لوحدى واما دلوقتى حسيت ان فى ناس زيي ، المهم كنت بحضر كل الايفنتات وكل الجوب فير وكل حاجة وطبعاً كان ده على حساب بيتى وزوجتى وابنى الذى رزقت بيه …..
ودخلت فى كذا منحه زى انطلاقة فى اكثر من مكان وكمان منحة باثواى وكمان اخراً منحة المعهد المصرفى وكانت وش الخير عليا .
حيث كانت للطلبة فى السنة الثالثة او الربعة ولكنى قدمت وامتحنت امتحانيين انجليزى وكمبيوتر والحمد الله نجحت …………….
وألتحقت بالمنحة وفجأة لاقيت نفسى جوا حكاية نجاح …… حيث كان هناك مسابقة بالمنحة اذا اصبحت من الفائزين سوف يقوم المهعد المصرفى بالاشتراك مع جامعة كرفن الانجلزية بإستضافة الفائزين 10 ايام بانجلترا شاملة جميع التكاليف والاقامة والفيزا وكل شىئ……
وكان المتقدمين 120 مشروع وكلهم جامدين وكمان صغيرين وكنت انا اكبر واحد فيهم وكان من ضمن الجروب اللى كنت معاه بعض الاشخاص منmcc
– عبد الخالق
– مصطفى كمال
– ايناس انفو
– مصطفى حبيب
وناس تانية كتير المهم كلهم كانوا مستغربين انا دخلت المنحة ازاى …..
المهم بعد انتهاء المنحة طلب من كل واحد يعمل بيزينس بلان وسوف تقيم مشروعك من :
– دكتوران من كلية تجارة انجلش جامعة القاهرة
– مدير بالبنك المركزى
– مدير المعهد المصرفى
– مدير المشروعات الصغيرة.
وجاء يوم العرض والحمد الله جمعت كل الخبرات مع اللى اتعلمتوه من حضرتك وطلعت النتيجة وحصلت على المركز الثامن من مائة وعشرون مشترك …… وفزرت برحلة الى انجلترا شاملة جميع التكاليف والاقامة والفيزا وكل شىئ…… فى شهر يناير لمدة 10 ايام ……
وكمان حالياً بكمل مشروعى اللى لو اكتمل يمكن حد يشوفه فى انجلترا ويشترى براءة الاختراع …. لانه خاص بالتكنولوجيا التسويقية الجديدة……..
ربنا يكرمك يا بشمهمندس ويقدرك على ارشاد الجميع الى الخير بإذن الله ….
شكراً انى طولت عليكم بس ارجوا تبلغوا رسالتى للبشمهندس / اسامة لانى مش عارف اوصله
احمد محفوظ