محمد صالح

قصة بداية نجاح بناءا على أوامر عليا
طيب مطلوب مني إني أكتب قصة نجاح و أنا لسة معملتش حاجة في حياتي عشان أعتبرها نجاح المهم هقول و انتوا حريين بقى
كل الحكاية إني معناوي بالفطرة بمعني من قبل ما أخش معا و أنا عندي غييرة إيجابية و عايز أنجح و بسعى عشان أنجح و مش عارف عادي يعني
معا علمتني إني بدل ما أنا ماشي علي سرعة 20 كيلو مثلا إن الحياة فيها سرعات أعلى كتيرررررررررررررر بس اجري أنت و الحق و شغل دماغك
أنا و أنا في سنة تانية بعد الحمد لله ما قدمت في شركة فودافون عشان أتدرب في الصيف الحمد لله رحت عملت انترفيوا كان وقت امتحانات ساعتها المهم الانترفيوا كان عادي جدا جدا جدا جدا بس كان فيه مشكلة إني كنت لسه معنديش خبرة الانترفيور نفخني بمعنى الكلمة المهم خرجت من هناك هي فودافون جنب بيتي مش بعيد قعدت كنت ماشي علي الكورنيش عشان أروح قعدت أعيط طول الطريق
المهم روحت و قررت إني هنجح يعني هنجح و هخش الشركة دية و اتقبل و أنا اللي أقول ما عايز اشتغل المهم
و كتبت أنا إيه اللي ناقصني في ورقة و محتاج أتعلمه
المهم بقي امتحنت و جيت كنت قاعد علي النت بقلب و خلاص لقيت بنت اسمها مروة آدم ربنا يمسيها بالخير
المهم كانت مشيرة بوست عن كورس ألماني و أنا جيت اتريق و قولتلها ياااااااااااااااااااااااااااه مش لما ناخد إنجليزي الأول اليوم ده هي مسكتني غسيل و مكوي و ده كان أحلى يوم في حياتي فوقتني ساعتها من واحد بيقول هعمل هعمل هعمل
لحد بيعمل المهم
رحت رسالة أشوف إيه الكورسات دي المهم الموضوع عجبني و كان عندي تطفل رهيب عايز أعرف الناس دي شغالة إزاي اتطوعت
خلال شهرين بقيت متطوع مسؤول
مسؤول عن نشاط الدعايا ل رسالة في جامعة القاهرة مسؤل أسرة تواصل و بدأت تضحك الدنيا ساعتها الحمد لله
متطوع بيدرس بيشتغل معاة فريق 14 واحد كل موظفين مراكز رسالة و الجوكر بيجوا يشتغلوا معايا ينظموا اليوم معايا متقوليش إزاي بس ده توفيق ربنا قبل أي حاجة
المهم استمريت سنة في الأسرة لحد ما جاتلي فرصة شغل مع شركة بدون ذكر اسمها رايح أعمل الانترفيوا داخل لقيت اللي موجود جوة يعملي الانترفيوا واحد انا كنت جبتة يدي ندوة في الجامعة طبعا كانت صدمة اشتغلت في المكان دا شوية و كل دا في دماغي معا أنا عايز اروح بس مش لاقي وقت
و بعد شهرين من الشغل رحت الجامعة عشان أبقى مسؤول التسويق عن الشركة دي في جامعة القاهرة و عين شمس و الحمد لله حققت نجاح كويس لإن كنت بعمل نفس الشئ قبل كده و أنا متطوع انتوا نسيتوا ولا إيه :
المهم اشتغلت مع الشركة دي تقريبا 6 شهور بعد كده روحت قررت أسيبها و دخلت معا و بدأ النجاح فعلا و بدأت أعرف إزاي أشتغل من غير ما حد يمص دمي
اتعلمت في معا معني كلمة نجاح و سعي بذكاء
و بدأت منح معا أول حاجة أخدتها كانت برنامج تميز من بيرلتز
و أخدت GEW
و استمرينا علي كده دخلت روند
و علشانك يا بلدي
أسرة كلمة
تواصل
رسالة
باثواي تيم
المهم اتخرجت و أنا مخنوق جدا
و بعد كل اللي عملتة كنت حاسس إني فاشل عادي يعني
المهم كنت أخدت محاضرة مع المبدع كريم سمارة عن استخدام الميل مارج
و البشمهندس قال ابعت 1000 CV
عشان يكلمك منهم 100 تعمل انترفيوا في 10 تتقبل في اتنين
و دة اللي حصل كل الفايلات بتاعت معارض التوظيف اللي نزلت عل معا اخدتها و اشتغلت عليها 4 ايام نوم تقريبا 4 ساعات الايميلات فيها حبة غلطات تظبيطلها طلع عيني و بعدت المهم ال Gmail بيبعت 500 ميل في اليوم
عشان محدش يستغرب بعدت 1700 إيميل
كان بيبقى عندي 4 انترفيوهات في اليوم
كنت ببقى مروح ميت
المهم بقى إني كان عندي انترفيوهات علي مدار الأسبوع و مظبطلهم جدا
الأهم إني مرحتي غير 5 انترفيوهات بس
اهه أول يوم اتقبلت في مكانين بس مش عجبوني
تاني يوم جالي مكان أحلى كتير الحمد لله أنا شغال فيه دلوقتي
و كنست الانترفيوهات الباقية كلها
و أنا بعمل الانترفيوا اللي نجحني إني كنت في علشانك يا بلدي لإن نشاطها في تنمية المجتمع ليه علاقة بينا
اهه علي فكرة الحمد لله
أنا معروف في الشركة بكلمة أنت مش سهل يا صالح
أصل كل الحكاية إني كنت بعمل مشروعي و الحمد لله محصلشي نصيب إننا نعمله
و لما تبقى مسؤول عن مشروع كامل أو ليدر أي تيم بيتولد عندك حاجة واحدة بس
اعمل كل اللي تقدر تعمله أنت مش محتاج مدير يقولك أنت تعمل إيه أو يديك تاسكات أنت بتبتكر و تخترع
حاول في أي نشاط تدخله إنك توصل إنك تبقى هيد هتتعلم كتير فعلا
و بجد لازم أشكر البشمهندس و كل المعناوية لأن كل واحد فيهم ليه فضل إن علمني حاجة مش عارف انتوا استحملتوا إزاي تقروا ده كله أنا نفسي تعبت يا جدعان يارب معا تبدأ بقي أنا وحشتني جدا 
اهه على فكرة أنا اتقبلت في فوادفون و أنا نفضت زي ما كان نفسي