قصة نجاح

السلام عليكم ورحمة الله وبركاتة

يارب كلما طرق هذا الوجة بابك فافتح له كنوزك وسخر له عبيدك وابسط له رحمتك”

آمين .. أمين … آمين “

الدعاء ده لحضرتك ولكل المعناوية

إزي حضرتك يا باشمهندس … أنا بجد مش عارفه أبدأ منين ولكن هبدأ

أنا في حياتي مشفتش ناس بتحب بعضها وبتخاف على مصلحة بعض

من غير ما يكونوا يعرفوا بعض وبينهم مصالح

زي الجروب ده حقيقي الواحد مش بس اتعلم وأخد محاضرات علمية مع الجروب ده أنا كمان

وأكيد مش أنا بس

أخدت دروس حياتية وأخلاقية في تهذيب النفس ومساعدة الآخرين

وحب الخير لكل الناس

أنا متخرجة من كلية تجارة وإدارة الأعمال دفعه 2009 لكن عرفت معاً قبل ما أتخرج لإني كنت الدفعة الثامنة

وبجد كان وشها حلو عليا أوووووووووي

وعلى فكره لما كنت بروح معاً أثناء الدراسة

كانوا صحابي يتريقوا عليا ويقولوا كل الشغل واسطة وأنتي تاعبة نفسك

وأخدتهم مرة معايا في الساقية علشان يعرفوا إنه كورس مفيد لينا قبل ما نتخرج

لكن قعدوا بره في الكافيتريا وبردوا محضروش

يومها كانت محاضره أكسيل …. المهم بدأت مع معاً

وعرفت إزاي أعمل سي ڤى وإزاي أدخل إنترفيو وحاجات كتير وكان منها

PST

لما حضرت مع حضرتك المحاضرة ديه طبعاً كانت صعبة علشان أول مره أسمع عن الحاجات ديه

وحضرتك قولت في المحاضره إنه إمتحان في شركة أوليمبك جروب

أنا كتبت أوليمبك جروب في ورقه كبيره وحتطها هدف وبدأت أنفذ تعليمات حضرتك

وادربت على الامتحان ده

وهنا يأتي دور المعناوية شفت مازن قبل محاضرة ما

وقلتله أنا عاوزه أعرف أقدم أزاي في شركه أوليمبك اللي

البشمهندس قال عليها في المحاضرة

قالي شايفه اللي هناك ده … ده اسمه محمد سلمان هو هيقولك

رحت طبعاً بسرعة لأستاذ محمد كان هو بيدرب في الشركة

قالي هاتي السي ڤى بتاعك وأنا هناك هقدمهولك … قولتله أوك

وبصراحه كانت مفاجأه أنهم بعد 3 أيام بس كلموني وحددوا معاد الإمتحان المشهود

PST

وهنا يأتي دور المعناويه تاني كلمت مازن وسألته على الأسئلة  الصعبه ومش عارفة أحلها وهو بجد

ساعدني على الرغم من أنه كان واضح عليه أنه مشغول ومش فاضي

ورحت كان الكلام ده في شهر أكتوبر 2009 وطبعا دخلت الإمتحان كان بالظبط زي اللي البشمهندس قاله في

المحاضرة وكأنها توقعات قبل الإمتحان

الحمد الله حليت كويس وكلمت البشمهندس شكرته بصرف النظر أنا هنجح ولا لأ

وبعد 10 أيام جاتلي رساله من الشركه إني نجحت في الإمتحان وإني أنتظر لحد ما تيجي فرصة وظفية مناسبة

ليا

وأنا طبعاً مسكتش لإنى معناويه اشتغلت في شركة تانية والحمد الله كانت بردوا كبيرة

المهم … بعد سنة خلال الأسابيع ديه كلموني وحددوا معاد إنترفيو والحمد الله نجحت وبعديها إنترفيو تاني بس

تكنيكل والحمد الله نجحت ( أصله توفيق ربنا وتدريب كويس من البشمهندس على كل الخطوات ديه خلت

الواحد عنده ثقه كبيره في ربنا وفي نفسه …..

نرجع تاني وبعد ما نجحت قابلت صاحب الشركة نفسه وبعدها لقتهم بيكلموني لآخر مرة يقولوا ليا جهزي

ورقك علشان تمضي العقد وأنا بكتب الرسالة ديه من مكتبي في شركة أوليمبك ………. والحمد الله

أنا بدعي لحضرتك لإنك كنت السبب بعد ربنا في الشغل ده

من غير معاً مكنتش هعرف حاجه عن الامتحان ده