انا انسان ليا كيان بعد معاً
معناااااااااوى فى سامسونج ((( وافتحر انى معناوووى ))
كان نفسى يجى اليوم واكتب لكل المعنويه وافرحهم معايا والحمد لله انا مبسوط وانا بكتب دلوقتى … وياربت تكملو الحكايه للنهايه
… مش عارف اعبر بايه واقول ايه بجد بس اقول الحمد لله انى ربنا اكرمنى ونور ليا بصيرتى انى احضر مع جروب معاً
حكايتى بإختصار
انا خريج دفعه 2006 وزى اى حد شاب مصرى دخلت الكليه وعادى كنت بذاكر قبل الامتحان بشهر وطول السنه افتكاسات ولا ليها لازمه (عرفت معني كل دقيقه ضيعتها بعد ما اتخرجت وحضرت فى معاً) والايام كانت بتمر عااادى جداا خروجات ومافيش مذاكره الا قبل الامتحاااااااان وبعد ما اتخرجت قعده سنه فى البيت بدون عمل لانى اتصدمت من الواقع العملى وان سوق العمل انا حتى منفعش اكون بياع طماطم لانى ولا عندى اى خلفيه عن الكمبيوتر او الانجليش من الاخر ابيييض معرفش حاجه اخدت كورس ICDL كنت بسلى فراغى وبداعى انا فى كورس لما اخلصه هلاقى شغل ……… بعد الكورس مافيش شغل …… اخدت كورس انجليش اعدت سنه تانى وبرده بعده مالقتش شغل ……اشتغلت فتره كده …وبعدين اشتغلت مدرب ICDL وانا جوايا حاسس ان فى حاجه ناقصه بجد والله حاسس انى الواحد كده مالوش لازمه واستمر الوضع وطورت نفسى فى محال IT اخدت كورس MCITP & CCNA وبرده قعدت ادور على شغل مناسب احسن من مدرب ICDL بس كله بالخبره وانا مافيش كورسات فى الIT وبس …..المهم مش هاطول عليكم …..
ازاى عرفت معاً :
عن طريق بنت واحده زميله ولدتى تعرف الجروب وكانت الايام دى اصعب ايام فى حياتى لانى النفسيه كانت (الحمد لله) انا فاكر كويس جداا كانت مكتوب اسم الجروب على ورقه نتيجه ) ودخلت واشترك فى الجروب لقيت كنوز بتتبعت كل يوم (منح وكورسات وانشطة تطوعيه ) بجد بدأت اتنفس اية ده دول فضائيين ايه الجمال ده ((.كله معرفتى بمعاً كان Online وبس ..
فى يوم كان ملتقى توظيفى عامله كليه التجاره انجليش جامعه الازهر ……. لقيت بانر معا وكان واقف (م/ احمد زكريا )وبجد ده سبب حضورى فى معاٌ وقالى تعالى احضر معانا فى يوم 31/8/2012 فى مركز السموم ………
اتغيرت بعد اول محاضره فى معاً:
لقيت ناس بتتكلم وناس اصغر منى وماشاء الله حاجه تفرح انا اول يوم حزنت على عمرى اللى ضاع بس قولت انا ان اتضايقت واكئبت الحل ايه اما اقعد فى البيت واكمل او انى اتعلم واوصل واكمل …….. اول محاضره كانت تعريف بمعاً ……….كان عندى تشويق انى احضر واعرف واكمل مع انى كنت من اكبر الناس ومعدودين على الادي وماكنتش مكسوف …لانى لقيت نفسى بتعلم وحاجات اول مره اسمع عنها انتو انا متخرج من خمس سنسن ومعرفش حاجه كتير وفى ناس جنبى لسه فى سنه اول كليه وتانيه يا اما احبط او اكمل ويكون عندى اصرار انى اكمل …كل يوم الاقى الدنيا بتنور معايا .واعرف حاجه جديه والدنيا السودا بعد التخرج بدات القى فيها نقط بيضاء …ااااااااااه نسيت اقول تانى يوم يوم 1/9 كان فى ملتقى فى ساقيه الصاوى قابلت البشمهندس …..وكان فكرتى له معارف وهايقدر يشوفلى اى حد من معارفه اشتغل بتليفون … كان الحوار كده ((( يا بشمهندس انا اسمى اشرف زكى …مدرب ICDL معايا كورسات فى IT ممكن حضرتك توصلنى لشركه منهم …… الرد الساحق بقى …… احضر معايا مرتين وهاتشوف الفرق …… يابشمهندس يعنى 6 شهور وكمان فرق مابينهم 3 شهور اجازه يعنى 9 شهور . رد البشمهندس …وايه المشكله بصوت غليظ كده ………. انا جوايا اتحرجت جداااااااااااااا))) وبرده مخير مابين الاحباط ومابين الاصرار وانا الحمد لله من النوع اللى اضغط عليه تلاقى احلى كلام………………
حضرت مع معا الدفعه 16 وكنت ملتزم جدااااااااا وعملت بالوصيه اى حد اقابله اقوله فى المترو فى الاتوبيس فى الشارع فى كل حاجه وكنت عايز اديهم المصباح اللى نور حياتى ………….لانى ملقتش حد يعرفنى او يرسم الطريق واعمل ايه واجى منين ….وانا بجد بجد اى حد طالب لسه فى الجامعه لازم يحضر فى معاً انا قولت لناس كتير بتحضر فى معاً
سامسونج باختصار…
بتعمل اكبر مصنع فى الشرق الاوسط فى بنى سويف لتصنيع الاجهزه الكهربائيه اول مرحله هى التلفزيون وشاشات الكمبيوتر…………
وبفضل الله تعالى كانت فرصه فى سامسونج قدمت واشتغلت ((مهندس انتاج)) فى قسم غريب جداااااا كده المهم وبجد انا مش عارف اقولكم ايه بقى اد ايه فرقت معايا معاً فى الانترفيو وبعد ما اشتغلت فى المعاملات وكل شئ
انا مقولتش حاجات كتيير اختصارا للوقت ويارب متملوش
واحب اقول انا اتعلم كتييييييييير جدا من البشمهندس الله يبارك له ويرزقه الفردوس الاعلى
وفى ناس كتير معنوييين اصليين اتأثرت بيهم جدا واتعلمت منهم رغم انهم اصغر منى فى السن ولكن اكبر منى علماً وهما كتتتير ربنا يبارك لهم جميعااااااااا
من الاخر اللى يقول عليه البشمهندس تغمض عنيك وتعمله لانه على طول كلامه بيرن فى ودنى زى ا/ غسان مطر (أعمل الصح)
واذا كان بتحس فى كلامه شده فده هو عايز يطلع الانسان اللى جواك كلنا جوانا لازم نتعب علشان نلاقى اتعب وانت فى وقت مش مطلوب منك شئ (ايام الجامعه ) ترتاح وقت انت مسؤل تحدد حياتك (بعد التخرج)
معاً حياااااااااااااااااااااااه واجمل ما فى الحيااااااااااااه
(تطوع— مشاركه – تعليم — تطوير – تحفيز )